Yekem romana Jan Dost "Mijabad" ku sala 2004an çap bûbû, cara duyemîn di nav weşanên Avesta de çap bû.Avesta hemû berhemên Jan Dost ji nû ve diweşîne. Berî demekê çapa 4an a "Kela Dimdimê", çapa 2yan a "3 gav û 3darek", çapa 2yan a "Dîwana Jan" hatibû belavkirin. Di dorê de çapa nû a "Mîrname" û romana nû "Martînê Bextewer" heye.
Ji bo "Mijabad"ê çend gotin:
..."Mijabad", bi tevayiya xwe romaneke serketî ye, gelekî bi serketî ye. Min bawer nedikir ku ewqasî be, lê min nihêrî ku ji baweriya min jî wêdetir û gelekî başir bûye.
Ew cîhên tê de, ew navên qehremanan û ew tarîxên ku tê de destnîşan in... ku ew hemî di cîh û wexta xwe de bin (qesta min ku çewtî di wan de tunebe) romaneke bêqisûr e û gotinên zêde jî heram in.
-
Hesenê Metê-
Mirov dikare bibêje ku Mijabad harmoniya trajediyê ye. Di romanê de trajediya şexsî, neteweyî û trajediya mirovahiyê bi hostatî li hev hatiye hunandin. Her çiqas mijar li ser bûyereke neteweyî be jî romannus lehengên romanê qurbana mijarê nekiriye, yanê êşa evînê qurbana hestên neteweyî nekiriye ev jî ji bo romanê xaleke erênî ye.
Di encamê de wek romaneke trajîk Mijabad, ji bo çêbûn û gihandina hestên neteweyî û pêşderxistina wijdana mirovahiyê li beramber zilm û bê edaletiya carî ya cîhanê berhemeke serketî û hêjayê pesnê ye.
-
Zulkuf Xweşhêvî-
| Detay Bilgileri |
| Dil | Kürtçe |
| Basım Tarihi | 2012 |
| Yazar | Jan Dost |
| Sayfa Sayısı | 240 |
| Kağıt | 2. Hamur Kağıt |
| Kapak | Karton |
| Basım Yeri | İstanbul |
| Baskı Sayısı | 1 |
| Ebatlar (YxG) | 13x20 cm |
| Isbn No | 9786055279042 |
--an757nte.png)
